От власти ада Я искуплю их, от смерти избавлю их! (Ос.13:14) - Акафист Господу Иисусу Христу о даровании любви
Выделенная опечатка:
Сообщить Отмена
Закрыть
Наверх
 

Новости

  • Новый проект от создателя библейской программы "ЦИТАТА из БИБЛИИ"
  • 12 Октябрь 2017
  • Кто может, помогите проекту! Этот труд начат хорошим человеком и автором библейской программы "Цитата из Библии" = BibleQuote. Труд еще не окончен.

    Если каждый любящий слово Божие перечислит хотя бы 500 или 1000 рублей единоразово из своей десятины на указанный счет, то это поможет проекту осуществиться.

    Прошу поддержать материально трудолюбивого человека который все это делал и делает не ради денег. счет яндекс кошелька

    Страница проекта на ФБ здесь

    счета для не рублевых переводов

    U294637633999 гривна
    Z287761284830 доллар
    E234543609018 евро
    R426193411415 рубль

    Прикладываю ссылку на библейскую программу созданную этим автором, которой я пользуюсь при поиске в русском синодальном тексте Библии и в тексте на церковно-славянском языке. В этой программе также есть второканоничные книги Библии.
    https://yadi.sk/d/4oZ_St883NgLEE

     

  •  
  • Сентябрь - Октябрь - Ноябрь 2016
  • 30 Ноябрь 2016
  • Многие ли помнят, в каком контексте дана молитва "ОТЧЕ НАШ" у евангелиста Луки? А ведь контекст имеет огромное влияние на понимание семи прошений этой молитвы.

    Один старый еврей хорошо заваривал чай, и другие евреи любили ходить к нему в гости пить чай. Распивая чай, они удивлялись его вкусу и все время просили: - Абрам, расскажи, как ты завариваешь чай, не уноси секрет в могилу. - Нет-нет-нет, - отвечал старый Абрам, - "Только на смертном одре." И вот пришла пора умереть Абраму. Собрались евреи, напомнили ему об обещании рассказать, как он заваривает чай. - Евреи, не жалейте заварки...

    В этом веке, Слово Божие вода - омывающая, очищающая, напаяющая. В мире грядущем, Слово Божие будет явлено во всей силе своей, как Огонь Славы Всевышнего. Не причастные Слову здесь, не вынесут Огня там, и не узнают вкуса Живой Воды.

    Серединная НАДЕЖДА являет два своих оттенка, если ближе, либо к ВЕРЕ, либо к совершенной ЛЮБВИ.

    Порой некоторые христиане не знают, что известные слова, которые встречаются в Пасхальной службе, это слова из пророчеств книги Ошеа - Осии.

    Боль сердца - ребенок мертвый по грехам своим. Но слезы родителей о детях своих не бывают тщетны.

    Два закона: справедливость и любовь. Две ступени. "Уклоняйся от зла и делай добро" (Пс.33:15). Поставив себя на место других это делать гораздо легче.

    Теснота сердца, признак того, что благодать была принята тщетно

     

    Крест, в аскетическом аспекте, место распятия ветхого человека. Но нужны и гвозди чтобы распять плоть со страстьми и похотьми... Что это за гвозди?

    Время этой жизни дано, для "привыкания" к сиянию Света Мессии, чтобы в будущем веке не ослепнуть от него и не остаться во тьме внешней.

    Пренебрегающих Словом Истины ждет опустошение.

    Какой из упомянутых в Новом Завете царей Иродов приказал казнить Иоанна крестителя? Аллюзия Ирод-Соломея-Иродиада на три уровня души. В одном месте написано: "Ибо Ирод боялся Иоанна, зная, что он муж праведный и святой, и берег его; многое делал, слушаясь его, и с удовольствием слушал его". (Мар.6:20) А в другом написано: "И хотел убить его..." (Матф.14:5) Когда же произошла перемена в царе Ироде по отношению к Иоанну?

    Одним нужно узнать Мессию, как воплощенное Слово Божие, а кому-то вспомнить, что Он вместе с тем, и Человек. Но человек после смерти и воскресения уже не тот, которого мы знали по плоти. Тем более Тот, Который имеет славу, как славу Единородного от Отца.

    В раздел "Воскресная школа" добавлены уроки по 118 псалму

    Буква НУН. 1 часть. Хронометраж урока: 00:01 = Буква Нун как НЕЕМАН = верный Богу. Мессия и человек. 09:01 = Имя Мессии – ינון = Инон из Пс.71:17 32:35 = Имя ננא = ННА в проекции на Мессию. 53 Имя Бога ננא выводимое из 3 стихов книги Исход. 38:33 НУН образ падения. Христос как Шалаш Давида и Храм. 56:14 БАР НАФЛИ = Сын Падения и БАР НЕФЕЛИ = Сын облаков. Учение о двух Машиахах. Машиах Страдающий и Машиах Славный. 74:18 = Падение и восхождение от бедняка до облака Славы в образе трех букв יון

    Буква МЕМ 3 часть. Хронометраж урока: 01:06 = слово ЭМЕТ = АЛЕФ-МЕМ-ТАВ как Истинное свидетельство о спасении Христовом 13:10 = Образ умирания ветхого человека в водах погружения 17:46 = Миква = Могила – Матка. 24:51 = Образ чрева – материнской матки = ЭМ 29:27 = Мать Машиаха и рождение Христа. (Ис.9) 44:42 = Аллюзия Моше на Машиаха 50:26 = Мирьям Моше и Мирьям Машиаха. Колодец Мирьям 59:31 = Образ Девства Мирьям

    Часть 4. О букве МЕМ. Комментарий на 13 восьмистишье 118 псалма. Стихи 97-104 0:37 = Непроходимые врата – аллегоричный образ Рождения Мессии от Девы Марии 5:24 = Золотые врата Иерусалима 8:53 = Южные врата Иерусалимского Храма 17:55 = Третий Храм Божий 19:48 = о числе 40 в Библии


Объявления

О Царстве Божием
Учение Виссариона в свете Библии

Акафист Господу Иисусу Христу о даровании любви

скачать акафист --- 123 kb doc

Акафист Господу Иисусу Христу о даровании любви

Кондак 1

Возбранный Воеводо и Господи Иисусе Христе, любы истинная и милосердие безконечное, воспеваем Тя любовию спасеннии Тобою раби Твои. Ты же, яко имеяй всяку власть на небеси и на земли, сыны света соделай Твоя служители, да зовем Ти: Иисусе, Солнце любве незаходимое, научи и нас любви Твоей.

Икос 1

Ангели о Рождестве Твоем, Иисусе, радуяся, воспеша: «Слава в вышних Богу и на земли мир, в человецех благоволение». Мы же, глубине благоволения Твоего дивящеся, благодарно Тебе зовем: Иисусе, Сыне Благословеннаго, в вышних живый, и нас дольних не забываяй. Иисусе,Боже Всемилостивый, силою любве Твоея к нам снисшедый. Иисусе, милосте безконечная, с высоты блаженства небеснаго нам состраждущий. Иисусе, пресветлым взором Твоим прозираяй глубину сердца человеческаго. Иисусе, влекий к Себе сердца Божественными Твоими глаголы. Иисусе, любовь истинная, научи и нас любити Тебе. Иисусе, возсияй огнь любве Божественныя в сердцах наших. Иисусе, образ любве совершенныя нам показующий. Иисусе, невозвратным желанием последовати Тебе нас вдохновляющий. Иисусе, Солнце любве незаходимое, научи и нас любви Твоей.

Кондак 2

Видя Божественное Твое милосердие к падшему человечеству и любовь совершенную, еяже вся злоба мира одолети не возможе, о Иисусе, Царю мой и Боже мой, ученицы Твоя разумеша, яко Ты еси воистину Христос, Сын Бога Живаго. Мы же на всяк час, от темнаго духа злобы побеждаеми, к милосердию Твоему прибегающе, со слезами вопием: Аллилуиа.

Икос 2

Разум не постигает тайны любве Божественныя, како Сын Божий, Иже ни единаго зла сотвори, смерть восприемлет, да нас смерти свободит, зовущих: Иисусе, Сыне Ветхаго деньми, образ младенца восприявый. Иисусе, Матери Твоея Пречистыя Чадо возлюбленное. Иисусе, сердца Мариина радость неизглаголанная. Иисусе, краснейший добротою паче всех сынов человеческих. Иисусе, Апостолов Твоих возлюбленный Учителю. Иисусе, Марии Магдалине, много возлюбившей Тя, многия прегрешения отпустивый. Иисусе, старца Симеона благодатное успокоение. Иисусе, Петра, отвергшагося Тебе, троекратным исповеданием со слезами паки утвердивый. Иисусе, возлюбленнаго ученика Твоего, яко образ любве, яже к Тебе, нам показавый. Иисусе, Солнце любве незаходимое, научи и нас любви Твоей.

 Кондак 3

 Силою любве Божественныя озари и ны, Иисусе, и избави нас от всякия злобы, да чистым сердцем возлюбим Тя, Господа Бога нашего, и ближних наших, яко же себе, радостию зовуще: Аллилуиа.

 Икос 3 

Имеяй богатство милосердия неизреченное, о Иисусе Боже наш, не презри и наша обнищавшая сердца и светом лица Твоего озари нас молящихся: Иисусе, любовию ко Отцу Твоему исполненный, научи и нас любити Отца нашего Небеснаго. Иисусе, всех любовию почитающих Тя от мрака греховнаго спаси. Иисусе, возлюбленную Матерь Твою в помощь и утешение нам даровавый. Иисусе, глаголы Божественными: «милости хощу, а не жертвы» и нас милосердию научивый. Иисусе, заповедь новую: да любим друг друга, нам даровавый. Иисусе, любы неизреченная, не отлучи нас любве Твоея. Иисусе, Свете, Егоже тьма не объимет, озари наша омраченныя сердца. Иисусе, просвети нас любовию Твоею, вся терпящей и вся побеждающей. Иисусе, учеником скорбящим на пути в Еммаус явивыйся, сотвори, да выну сердца наша горят огнем любве Твоея. Иисусе, Солнце любве незаходимое, научи и нас любви Твоей.

 Кондак 4

 Бурю волн словом уст Твоих укротивый, Иисусе, Творче мира и стихий Повелителю, утиши бурю страстей в сердцах человек, призывающих имя Твое святое, да пребудут в тишине, единомыслии и любви нерушимей, зовуща: Аллилуиа.

 Икос 4 

Слышаша ученицы Божественныя Твоя и премудрыя глаголы ужасахуся,глаголюще: «Кто может спасен быти?» Ты же, скорбя о жестокосердии сердца человеческаго, отвещал еси им, яко вся возможна суть у Бога». Темже и мы вопием Ти: Иисусе, научи нас творити волю Твою, да пребудем в любви Твоей. Иисусе, наставляяй нас любити Тя не словом токмо или языком, но делом и истиною, даждь нам к тому не оскорбляти любве Твоея. Иисусе, запрети духу злобы, иже научает ны ненавидети брата нашего. Иисусе, всели в сердца наша дух кротости и незлобия. Иисусе, Свете паче всякаго света. Иисусе, радость паче всякия радости. Иисусе, упокоение паче всякаго упокоения. Иисусе, жизнь вечная и нескончаемая. Иисусе, Солнце любве незаходимое, научи и нас любви Твоей.

 Кондак 5 

Боготочною Кровию Твоею, на Кресте излиянною, Иисусе, избавил еси ны от власти темнаго духа злобы, и смертию Твоею словеса Твоя запечатлел еси, яко воистину несть больше тоя любве, иже аще кто душу свою положит за други своя. Ты же, Спасе наш, не токмо за други Твоя, но и за распинающия Тя молился еси ко Отцу Твоему. Темже благодарными усты и благоданным сердцем вопием Тебе: Аллилуиа.

 Икос 5

 Видеша ученицы Твое неизреченное милосердие, яко болящия исцеляеши, мертвыя воскрешаеши, всяк недуг душевный и телесный врачуеши, познаша Тя, Бога любве, и проповедаша Евангелие Твое всей твари. Мы же вопием Ти: Иисусе, всякий дар любве приемляй, приими и наше недостойное славословие. Иисусе, умягчи наша жестокая и окамененная сердца. Иисусе, отжени от нас гнев и памятозлобие. Иисусе, помози нам не осуждати брата нашего. Иисусе, научи ны зрети прегрешения наша. Иисусе, смиривыйся даже до смерти, отдали от нас гордость и высокоумие. Иисусе, согрей теплотою любве Твоея хладныя души наша. Иисусе, свободи нас от уныния и печали. Иисусе, изведи души наша из мрака отчаяния. Иисусе, Солнце любве незаходимое, научи и нас любви Твоей.

 Кондак 6

 Проповедник Божественныя любве Твоея, о Иисусе, явися возлюбленный Твой ученик и Апостол Иоанн Богослов, иже любовь совершенную стяжав, и нам друг друга любити заповеда, да в единомыслии и любви зовем Ти: Аллилуиа.

 Икос 6

 Возсиял еси вселенней, Христе, Свете истинный, просвещающий всякаго человека, грядущаго в мир. Темже и мы, светом лица Твоего просвещеннии, взываем Ти сице: Иисусе, источниче жизни, отверзи очи сердца нашего, да узрим Тя, истинное Солнце правды. Иисусе, рекий, яко «грядущаго ко Мне не изжену вон», не отрини нас, приходящих к Тебе. Иисусе, не остави нас, аще и многажды оставихом Тя. Иисусе, взыщи нас, яко заблуждшее овча. Иисусе, приведи нас в дом Отца Твоего. Иисусе, изыди на взыскание наше. Иисусе, объятия Отча отверсти нам потщися. Иисусе, в чертог Твой украшенный введи нас. Иисусе, ризу нам подаждь светлу и одеждею нетления облецы нас. Иисусе, Солнце любве незаходимое, научи и нас любви Твоей.

 Кондак 7

 Хотя сокровенную тайну от века открыти, миру всему благовестил еси любовь Божию, о Иисусе, да не ктому Бог человеком, яко грозный Судия явится, но яко Отец чадолюбивый, вся призываяй к Себе. О сем радуяся, всяк земнородный с любовию да вопиет: Аллилуиа.

 Икос 7 

Дивную нам показа Господь милосердия Своего бездну, егда и за распенших Его на Кресте ко Отцу моляшеся. Приидите убо, людие, поклонимся Его долготерпению и, припадающе, возопиим: Иисусе, любы истинная, озари и нас светом любве Твоея. Иисусе, веления Отча исполнивый, научи и нас творити волю Отца нашего Небеснаго. Иисусе, даждь нам любовь совершенную, в нейже страха нет. Иисусе, даждь нам полноту радости Твоея. Иисусе, влекий к Себе сердца, привлецы и нас к любви Божественней. Иисусе, в знамение любве Твоея Тело и Кровь Твою в снедь верным даровавый,  даруй нам непрестанно благодарити Тя. Иисусе, не осуди нас, небрегущих о сем драгоценнем даре любве Твоея. Иисусе, возбуди в нас желание приимати часть Святынь Твоих во исцеление души и тела и в жизнь вечную. Иисусе, сподоби нас истее Тебе причащатися в невечернем дни Царствия Твоего. Иисусе, Солнце любве незаходимое, научи и нас любви Твоей.

 Кондак 8

 Странно Бога любве и милосердия на смерть предана видяще, вся тварь ужасом содрагашеся, недоумевающе: како вместо дани любве и благодарения, клевету и поношение воздаша Тебе неблагодарнии людие. Мы же покланяемся неизреченному Твоему благоутробию, зовуще: Аллилуиа. 

Икос 8 

Весь был еси любовь к падшему человечеству, о Иисусе, егда на Кресте кротко дух Твой Отцу предав, снизшел еси в преисподняя земли, умершия вся воскресил еси, и нас радости исполнил еси, еяже никтоже возмет от нас. Темже и мы не таим сия радости, но со Ангелом всему миру глаголем: «Рыдания время преста, не плачите, яко воскресе Христос!», но Сему возопийте: Иисусе, веселие вечное, отдали от нас рыдание слез. Иисусе, о Марии Магдалине рыдающей умилосердивыйся, плачущим и рыдающим нам благодатное Твое подаждь утешение. Иисусе, смертию Твоею смерть умертвивый, от смерти вечныя избави души братий и сестер наших скончавшихся. Иисусе, Агнче Божий, вземляй грехи мира, отпусти им всякая прегрешения, вольная и невольная. Иисусе, о Лазаре, друге Твоем, слезы пролиявый, отри всяку слезу от очес их. Иисусе, возшедый во еже уготовати место любящим Тя, всели их во обители Твоя. Иисусе, всем усопшим, иже не имут сродников о них молящихся, даруй Молитвенницу неусыпающую - Пречистую Матерь Твою. Иисусе, молитвами Ея и нас, грешных, помилуй. Иисусе, рекий, яко веруяй в Тя не умрет, но прейдет от смерти в живот, даруй им жизнь вечную. Иисусе, Радосте бесконечная, сподоби и нас радости соединения с ними во Царствии Твоем. Иисусе, Солнце любве незаходимое, научи и нас любви Твоей.

 Кондак 9

 Все естество Ангельское, Тобою созданное, непрестанно воспевает силу любве Твоея, о Иисусе, земля же и небо, солнце и луна, и вся звезды, и свет, холми же и доли, воды и вся дубравы покланяются Тебе и восхваляют имя Бога Вышняго, научая и нас воспевати Ти: Аллилуиа.

 Икос 9

 Витии суемудреннии недоумеют, како возможно есть нам себе отвергнутися, да Тя приобрящем. Мы же добре вемы со Апостолом, яко аще и весь мир приобрящем, любве же не имамы, никая польза нам есть. Сия ведуще вопием Ти: Иисусе, сокровище многоценное, даждь нам обрести Тя, Единаго на потребу. Иисусе, Свете мира, не отвержи нас, аще и ничтоже благое сотворихом пред Тобою. Иисусе, приими ны, аще и в единонадесятый час токмо приходим к Тебе. Иисусе, благоволи пребыти с нами, да радость наша исполнится. Иисусе, научи ны не радоватися о неправде, но сорадоватися истине. Иисусе, даждь нам любовь Твою, яже долготерпит и милосердствует. Иисусе, даждь нам Твою любовь, яже не превозносится, ниже гордится. Иисусе, даждь нам Твою любовь, яже вся покрывает, всему веру имет, вся уповает и вся терпит. Иисусе, даруй нам любовь, яже никогдаже упразднится, но пребывает вовек. Иисусе, Солнце любве незаходимое, научи и нас любви Твоей.

 Кондак 10

 Спасти хотяй мир во зле погибающий, о Иисусе, снизшел еси на землю, всем образ любве совершенныя показуяй. Сего ради Тебе, возлюбленному Господу и Спасителю нашему, со умилением вопием: Аллилуиа.

 Икос 10

 Царю Небесный, Иисусе Христе, Боже наш, пришедый свободити ны от клятвы законныя, и закон Твой нам даровавый, да любим друг друга. Призри и ныне на окаменение сердец наших, из глубины души Тебе молящихся и вопиющих: Иисусе, оживотвори нас всех любовию Твоею. Иисусе, низпосли нам Духа Твоего Святаго Утешителя. Иисусе, обрати ны на стези заповедей Твоих, просвети лице Твое на ны, да спасемся. Иисусе, Ты еси крепость наша и утверждение. Иисусе, Ты еси Бог наш, Ты еси наше радование. Иисусе, Ты еси Христос, Сын Бога Живаго. Иисусе, Ты еси Свет превысший всякаго света. Иисусе, Ты еси Пасха спасительная, от смерти к жизни нас преводящая. Иисусе, кто отлучит нас от любви Твоей? Иисусе, Солнце любве незаходимое, научи и нас любви Твоей.

 Кондак 11

 Пение благодарственное о милосердии Твоем даруй нам принести Тебе, о Иисусе, Спасителю наш, и приими недостойныя наша молитвы. Из глубины души вопием Ти: Господи, Господи, не отвержи нас от Твоего лица, зовущих Тебе: Аллилуиа.

 Икос 11

 Яко Солнце любве незаходимое, возсиял еси мирови, Иисусе, просвещаяй сущия во тьме. Неразумнии же иудее не восхотеша приити в Тебе, дондеже бе с ними Свет. Мы же Тебе, истинное Солнце правды исповедающе, вопием: Иисусе, призри с небесе и виждь, и посети виноград сей, егоже насади десница Твоя. Иисусе, обнови дух любви и милосердия в Церкви Твоей Святей. Иисусе, не лиши ны блаженства, уготованнаго любящим Тя. Иисусе, не осуди нас без милости, яко не сотворившия милости. Иисусе, помилуй вся благодеющия нам и любящия нас. Иисусе, прости вся ненавидящия и обидящия нас. Иисусе, умягчи сердца злых человек, возстающих на ны. Иисусе, удали всякое пререкание и раздоры от среды верующих в Тя. Иисусе, положи нам союз любве нерасторжимый. Иисусе, сотвори да вси едини будем, якоже Ты во Отце и Отец в Тебе. Иисусе, Солнце любве незаходимое, научи и нас любви Твоей.

 Кондак 12

 Благодать подаждь и нам, всех благих Подателю, Иисусе, открый нам тайну любве Твоея, избави нас от всякия болезни и скорби в сей временней жизни, не лишены же ны сотвори и Небеснаго Твоего Царствия, зовущих Тебе: Аллилуиа.

 Икос 12

 Поюще велие чудо любве Твоея, Иисусе, Боже Всещедрый, покланяемся Тебе с любовию и просим прилежно: поспеши избавити нас от всякия скорби и клеветы человеческия, да не охладеет любовь в нас, смиренно зовущих к Тебе: Иисусе, призываяй к Себе вся труждающияся и обремененныя, даруй мир Твой душам нашим. Иисусе, кроткий и смиренный сердцем, умири наша скорбная сердца. Иисусе, распрострый на Кресте руце Твои, приими и нас во объятия Твоя. Иисусе, обещавый пребывати с любящими Тя, пребуди с нами, недостойными, во вся дни живота нашего. Иисусе, даждь нам познати, яко иго Твое благо и бремя Твое легко есть. Иисусе, укрепи ны, да вземши крест свой по Тебе грядем. Иисусе, любы совершенная, утверди ны в вере и любви к Тебе. Иисусе, милосте безконечная, помилуй нас. Иисусе, Ты веси, яко любим Тя, но восполни скудость любве нашея от щедрот Твоих. Иисусе, Солнце любве незаходимое, научи и нас любви Твоей.

 Кондак 13

 О Иисусе Христе, Свете от Света Отчаго, Ты еси любовь Божественная! Егда приидеши со Ангелы на облацех небесных с силою и славою, тогда пощади ны, грешныя, и сподоби нас быти наследники новаго небесе и новыя земли, в нихже любовь Твоя вечная живет, зовущих Тебе: Аллилуиа.

 (Этот кондак читается трижды, затем икос 1 и кондак 1)

 Молитва

Премудрый и Всеблагий Господи, Спасителю наш! Просветивый сиянием пришествия Твоего мира концы и сопризвавый нас в Церковь Твою Святую, с обетованием наследия нетленных и вечных благ. Призри милостивно на нас, недостойных рабов Твоих, и не помяни беззаконий наших, но, по безмерному благосердию Твоему, прости нам вся прегрешения наша. Аще бо и преступаем святую волю Твою, но не отметаемся Тебе, Бога и Спаса нашего: Тебе единому согрешаем, но и Тебе единому служим, в Тя единаго веруем, к Тебе единому прибегаем и Твои точию раби быти хощем. Помяни немощь естества нашогои обдержащия повсюду искушения врага и прелести и соблазны мира, ихже ради без Тебе, якоже рекл еси, не можем творити ничесоже. Сам очисти и спаси нас. Сам просвети умы наша, еже непоколебимо веровати в Тя, единаго Спаса и Избавителя нашего.Сам подвигни сердца наша,еже всецело любити Тя,единаго Бога Творца нашего.Сам направи стопы наша,еже непреткновенно ходити во свете заповедей Твоих. Ей, Господи Спасителю наш, яви нам великую и богатую милость Твою:сотвори,да в преподобии и правде поживем вся дни живота нашего, и тако достойни будем во второе славное пришествие Твое услышати от Тебе милостивое призывание в Царствие Небесное, еже улучити сподоби нас,грешных и недостойних рабов Твоих, и в наслаждении неизреченных красот его славити Тя вкупесо Безначальным Твоим Отцем и Присносущным Божественным Духом во веки веков. Аминь. 

Тропарь, глас 4

 Союзом любве апостолы Твоя связавый, Христе, и нас,Твоих верных рабов,к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, Едине Человеколюбче.

 Кондак, глас 4

 Пламенемлюбве распали к Тебе сердца наша, Христе Боже, да тою разжигаеми, сердцем, мыслию же и душею, и всею крепостию нашею возлюбим Тя и искренняго своего яко себе, и повеления Твоя храняще,славим Тя, всех благ Дателя.


Назад к списку